АҚШ Ресейге долларлық банкноттарды жеткізуге тыйым салды - Байден жарлығы

АҚШ президенті Джо Байден Ресейге долларлық банкноттарды сатуға немесе басқа да жолмен жеткізуге тыйым салу туралы жарлық шығарды, деп хабарлайды Stan.kz ақпарат агенттігі. 

АҚШ президенті қол қойған жарлық Ақ үйдің сайтында жарияланды.

Бұйрық бойынша: АҚШ-тан немесе америка азаматының Ресей Федерациясының үкіметіне немесе Ресейдегі кез келген тұлғаға АҚШ долларын тікелей немесе жанама түрде экспорттауға, қайта экспорттауға, сатуға немесе жеткізуге тыйым салынады.

Сонымен қатар Байден Ресейден алкоголь, гауһар тастар мен теңіз өнімдерін әкелуге, елге сәнді тауарларды экспорттауға шектеу қойды.

Бұған дейін АҚШ Мәскеуден мұнай, газ және көмір сатып алудан бас тартқан еді.

"Еліміздің қауіпсіздігін әлсіретеді": Сарапшылар ресейліктердің Қазақстанға үдере көшуіне не себепті тосқауыл қажет екенін айтты