Ақмола облысында жылқылар аштықтан қырылып жатыр
Ақмола облысында аш қалған жылқылар жайылымда жүріп қырылып жатыр. Малшылар даланы қалың қар басқандықтан табынды үйге айдап келе алмай отыр. Бұл туралы Stan.kz ақпарат агенттігі КТК телеарнасына сілтеме жасап хабарлайды.
Фото: видеодан скриншот
Боран жайылым жердегі жылқыларды әлсіретіп жіберген. Даладағы қардың қалыңдығы сонша, жануарлар оның астынан азығын іздеп таба алмайды екен.
Жайылым жерлердің ауылдан алыс болғаны да жағдайды ушықтырып отыр. Себебі бақташылар аш малды үйге айдап жеткізе алмайды. Жылқылардың жетуге шамасы жоқ.
Жергілікті тұрғындар биліктен көмек сұрап отыр. Олардың сөзінше, аман қалған малды жолды тазалап, дереу шөп жеткізетін ауыр техника ғана құтқарады.
“Жылқылар қырылып жатыр. Жағдай өте ауыр. Ешқандай көмек жоқ. Бұл – барлық жылқышылардың мәселесі. Көмектесулеріңізді сұраймыз”, – дейді бақташы Темірбек Ғалымов.
Бұған дейін Қарағанды облысында жылқылар белгісіз аурудан қырылып жатқанын хабарлаған едік.
Талқылау
"Аурухана мен мәдениет үйі жоқ": Сингапурға айналуы тиіс жаңа қала Алатаудың бүгінгі жай-күйі қалай (Фоторепортаж)
Жетіген тұрғындары қала мәртебесіне үмітпен қарағанымен, шешімін күткен түйткілдер әлі де аз емес
"Салқын суға салсаң, бояуы шығады": Отандық шоу-бизнес жұлдыздарының шайы халықтың көңілінен шықпай қалды
Экономист: "Шай плантациясы жоқ елде толыққанды өндіріс болмайды"