Ақмола облысында 15 жастағы жеткіншек жұмбақ жағдайда көз жұмды

Бұланды ауданында жасөспірім денесін күйік шалып қайтыс болды. Жеткіншектің денесін әкесі тауып алған. Бұл туралы Stan.kz ақпарат агенттігі хабарлайды.

Фото: instagram.com/nayzakokshe

Қайғылы жағдайдың қалай болғаны жайлы бірнеше нұсқа бар. Оның бірі, бала мотоциклін өзі жөндемек болған. Полиция оқиғаның мән-жайын анықтап жатыр.

“Баланың мәйітін тапқанда оның үстінен жанармайдың иісі шығып тұрған. Сондай-ақ оның денесін, екі қолы мен бетін күйік шалған. Мотоцикл өртенгенде ол шұңқырға құлап кеткен болуы керек”, – деп жазды nayzakokshe Instaram парақшасы. 

• Алматы облысында ер адам тау өзеніндегі суға ағып кетті

• "Әскерилер бір-бірімен жарысқан": Ақтөбе облысында әскери қызметкер 17 жастағы қызды қағып өлтірді

Ақмола облысының полиция департаменті болған жағдайға қатысты сотқа дейінгі тергеу жүріп жатқанын мәлімдеді.