Ақмола қорығында инспекторлардың туыстары 700 жылқыны заңсыз баққан
Ақмола облысы прокуратурасының актісі бойынша табиғи қорықтың қызметкерлері жіберілген бұзушылықтар үшін жұмыстан босатылды. Бұл туралы Stan.kz ақпарат агенттігі хабарлайды.
“Ақмола облысының прокуратурасы орман шаруашылығы және жануарлар дүниесі комитетінің Қорғалжын мемлекеттік табиғи қорығының инспекторлары мен басшылығы ерекше қорғалатын аумақтың күзету режимін бұзғаны анықтады. Ерекше қорғалатын аумақта заңсыз шөп шабу және мал жаю басшылықтың келісімімен тікелей қорықтық режимді қорғауға уәкілетті тікелей қорық инспекторларымен ұйымдастырылған. Соның салдарынан қорыққа айтарлықтай шығын келтірілген”, – деп мәлімдеді Ақмола облысының прокуратурасы.
- Ақмола облысында сотталған мұғалімдер мектепте сабақ беріп келген
- Жұмыс киімінің ішіне жасырып алып шықпақ болған: Степногорскіде жұмысшылар 130 миллион теңгенің алтынын ұрлаған
Қорық аумағына инспекторлардың жақын туыстарына тиесілі 700-ден астам жылқы жіберілген.
“Қорықтық режимді бұзғаны және өкілеттіктерін қызмет мүдделеріне қайшы пайдаланғаны үшін 3 инспектор, оның ішінде табиғи кешендерді қорғау бөлімінің басшысы қызметтерінен босатылды. Қорықтың басшылығына қатысты қызметтік тексеріс жүргізілуде”, – деп қосты прокуратура өкілдері.