"Әкімшілік жауапкершілікке тартылады": Төреғали Төреәлі заңсыз лотерея ойнататын блогерлерге қарсы шықты
Отандық шоу-бизнес өкілі, әнші Төреғали Төреәлі заңсыз гив жасап, лотерея ойнататын желі жұлдыздарына ескерту жасады. Бұл туралы Stan.kz ақпарат агенттігі хабарлайды.
Фото: https://www.instagram.com/toregalitoreali/
Эстрада жұлдызы әріптестері мен блогерлерді заңсыз іс-әрекет етуден аулақ болуға шақырды.
“Құрметті ағайын! Соңғы кезде әлеуметтік желі арқылы заңсыз лотерея, ұтыс ойнататын фактілер көбейіп кетті. Туризм және спорт министрлігінің мәліметінше, мұндай ойындар заңмен қатаң реттелген. Заңды ұтыс билеттері арнайы сату бөлімдерінде ғана беріледі. Оны құзырлы органдар бақылап отырады. Арнайы сату мамандары заңды билетті әлеуметтік желіде сатпайды. Сатқан жағдайда әкімшілік жауапкершілікке тартылады. Сондықтан блогерлерде заңсыз лотерея ұйымдастырмауға, ал халықты алаяқтықтан аулақ болуға шақырамын. Тәптіпті сақтайық! Тәртіпке басын иген құл болмайды. Осыны ұмытпайық!”,– деді өнер иесі.
-
"Салықпен құтылмайды": Заңгер Абай Бегейдің қызының ісі сотқа кеткенін мәлімдеді
-
Ер адам казинода 4 миллион доллар ұтып алып, сол жерде көз жұмды (видео)
Заңгер, құқық қорғаушы Нұрсұлтан Орынбеков өнер иесінің қолдағанына риза болды.
“Төреғали Төреәлі алғаш болып, Туризм және спорт министрлігімен заңсыз лотереяға қатысты бастамамызға үн қосты. Ақшадан абыройын биік қоятын халық әншілері мен өнер жұлдыздарын қатарымызға қосылуды сұраймын”, – деп жазды заңгер.
Айта кетейік, Туризм және спорт вице-министрі Мирас Төлебаев мемлекеттік қызметкерлер мен әскерилер құмар ойын мәселелері бойынша заң бұзса, жазалары жеңіл болмайтынын мәлімдеген еді.