ӘЧ-2026: Оңтүстік Америкадан үш команда финалға өтті
Фото: FIFA
2026 жылғы футболдан әлем чемпионатының финалдық кезеңіне жолдама алған командалардың қатары тағы үш құрамамен толықты. Бұл туралы Stan.kz ақпарат агенттігі хабарлайды.
5 қыркүйекке қараған түні Колумбия, Парагвай және Эквадор ұлттық командалары турнирге қатысу құқығын жеңіп алды.
Осыған дейін финалдық кезеңге Австралия, Иран, Жапония, Иордания, Оңтүстік Корея, Өзбекстан, Аргентина, Бразилия, Жаңа Зеландия және Уругвай іріктелген еді. Жарысты қабылдайтын мемлекеттер — Канада, АҚШ және Мексика өз орындарын алдын ала иеленген.
Айта кетейік, алдағы мундиаль тарихта алғаш рет 48 құрама қатысатын әлем чемпионаты болмақ. Турнир Канада, АҚШ және Мексикада ұйымдастырылады.
