Әбдіжаппар Әлқожа: Тарихта болмаған көкпар болды деп ойлаймын

30 мың адамға көкпар беріп, ұлан асыр той жасаған Әбдіжаппар Әлқожа іс-шарадан кейінгі әсерімен бөлісті. Ол өзін қолдаған барша әріптестері мен достарына алғыс айтып, мұндай көкпардың тарихта болмағанын мәлімдеді. Сондай-ақ әнші үш ұлын көпшілікке көрсетті, деп хабарлайды Stan.kz ақпарат агенттігі. 

"Кешегі тойды қандай сөзбен жеткізіп, қандай видео, суретпен елге жеткізерімді білмей отырмын! Бақытты күн болды! Қаншама халық көкпарда бір үйдің баласындай жүрді.

Ең бастысы, айқай-ұрыссыз, дау-дамайсыз өтті. Тарихта болмаған көкпар болды деп ойлаймын өзім. Алла осы күнге жеткізгеніне сансыз шүкір еттім. Еліміз аман, жұртымыз жақсылықта жүрсін", –  деп жазды әнші желідегі парақшасында.

Әлқожаның айтуынша, көкпарға арнайы Ақтөбе, Атырау, Қызылорда, Алматы қалаларынан келген қонақтар болған. 

• Әбдіжаппар Әлқожа ұлдарының тойына АҚШ-тан акула алдыртып сойған

• "Қош бол, Оригиналым": Жануарын жоқтаған Әбдіжаппар Әлқожа сынға ұшырады

"Жалпы Қазақ дейтін еліме басымды игенім иген. Көрермен болып келген жұрттың қошеметіне, айтқан тілектеріне алғысымды шын жүрекпен айтамын! Барша баршаңызға тек қана алғыс айтамын! Ұлдарымыз өсіп өнсін. Алла тіл көзден сақтасын! Елімізде той думан, көкпар, бәйге көп болсын!" – деді әнші. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от 𝐀𝐁𝐃𝐈𝐙𝐇𝐀𝐏𝐏𝐀𝐑 𝐀𝐋𝐊𝐎𝐙𝐇𝐀 (@abdizhappar_alkozha)

Айта кетейік, бұған дейін Әбдіжаппар Әлқожаның 30 мың адамға көкпар беріп, дүркіретіп той жасағанын жазған едік. Әнші қос ұлын сүндетке отырғызған.