80 литр қан тапсырған: Әлемде ең көп рет донор болған әйел анықталды

Канададағы Альберта провинциясының 80 жастағы тұрғыны 60 жылға жуық уақыт бойы үнемі қан тапсырып отырған. Ол Гиннестің әлемдік рекордын орнатты деп хабарлайды Stan.kz ақпарат агенттігі UPI сайтына сілтеме жасап.

Гиннес рекорды кітабына сәйкес, 80 жастағы Джозефина Михалюк 1965 жылы 22 жасында қан тапсыра бастады.Ол барлығы 203 бірлік қан тапсырды. Ал қан бірлігі – шамамен 450 мл. Михалюктің айтуынша, оны алғаш рет қан тапсыруға әпкесі көндірген.

Михалюктің қан тобы (o+) сұранысқа ие. Әйел өзінің қаны басқа адамдарға көмектесетініне қуанышты.