7 жасар Милананың өлімі: Сотта қылмыскерлерге қатысты жаңа деректер белгілі болды
Павлодарда жеті жасар Милана Давыдованы қатыгездікпен өлтіру ісі бойынша сот басталды. Сотталушылар орындығында қыздың анасы Татьяна Давыдова мен оның серіктесі Асқар Әбілдинов бар. Бұл туралы Stan.kz ақпарат агенттігі хабарлайды.
Фото: Павлодар облысы полиция департаменті
Алдын ала тыңдауда прокурор Гүлмира Түлебаева қылмыстың егжей-тегжейі көрсетілген айыптау қорытындысын оқыды.
Прокурордың айтуынша, қызды 2023 жылдың 17 қарашасында Бесқауға ауылында өлтірген. Қылмыс жасаған күні Давыдовтар отбасының көршісі Асқар Абельдинов әйелге бір бөтелке алкоголь алып барған. Мәліметтерге сүйенсек, көршісі Татьянаның көңілдесі болған.
"Олар ішімдікті жүйелі іше отырып, соңы интимді қарым-қатынасқа ұласқан. 2023 жылдың 17 қарашасында ер адам өзімен бірге пластикалық бөтелкедегі алкогольді ішімдікті алып, көршілерінің үйіне тағы бір рет барды. Ол 12 сағат 30 минутта үйде Давыдовадан басқа ешкім болмағаны туралы жақсы білген. Өйткені осы уақытта әйелдің күйеуі мал бағуға кетсе, ал балалары мектепте болды", – деді мемлекеттік айыптаушы.
Үйдің дәл кіребересінде көршісі мен әйел алкогольді ішіп, кейін жыныстық қатынасқа түскен. Өкінішке қарай, бұл кезде жеті жасар Милана мектептен оралады.
Анасын көңілдесімен көріп қойған қызы әкесіне айтып беремін деп қорқытқан. Алайда дәл осы сәтте Татьяна Давыдоваға қызын өлтіру туралы ой келеді.
"Қылмыстық ниетін жүзеге асыра отырып, ол үйге жүгіріп барып, қызын кіреберісте қуып жетеді. Қарсылық көрсеткен қызын ұрып-соғып, соққыға жығады. Атап айтқанда, сол қолының жұдырығымен қызының жағына екі соққы берді", – деп оқыды Гүлмира Түлебаева.
Бұдан бөлек анасы белдікпен ұрып, қызы артынша есін жоғалтады. Мұны көрген көршісі қылмыстық әрекетін іске асыруға кіріседі.
"Ол белдікті қылмыс құралы ретінде қолданды. Милана Давыдованың мойнына орап алып, қылғындырады", – делінген қорытынды мәлімдемеде.
Қылмыстың куәгері болған қыздың інісі олардың әрекетінен есеңгіреп қалады. Дәл бұл уақытта ол да мектептен келген еді.
Тергеу деректерінше, қылмыстың іздерін жасыру үшін қайтыс болған адамның денесі үйдің жанындағы металл цистернаның астына жасырылған.
Сол күні кешке анасы Милананың ауладан қашып кеткенін және қайтып оралмағанын хабарлады. Іздеуге полиция күштері, еріктілер, еріктілер ұйымдары қосылды. 19 қарашада баланың денесі табылғаны, ал күдіктілер анасы мен танысы екені белгілі болды.
Татьяна Давыдова мен Асқар Әбілдиновтың соты 8 сәуірде басталады, процесс ашық режімде өтеді.
ҚР ҚК 99-бабының 3-бөлігі бойынша "Кәмелетке толмаған адамды өлтіру, яғни басқа адамға, ерекше қатыгездікпен жасалған көрінеу дәрменсіз күйдегі адамға заңсыз қасақана өлтіру" сотталушы 8 жылдан 15 жылға дейінгі мерзімге бас бостандығынан айырылады.