635 науқасқа көмектескен: Қазақстанның әскери дәрігерлері Ливаннан қайтып келді

Қазақстандық әскери-медициналық арнайы жасақ Ливаннан оралды, деп хабарлайды Stan.kz ақпарат агенттігі. 

Екі апта ішінде әскери дәрігерлер Бейрут, Буар, Сайда, Машғара қалаларында жергілікті халыққа көмек көрсетіп, содан кейін аман-есен өз еліне оралды. Оларды «Нұр-Сұлтан» әуежайында қарсы алды, деп хабарлады ҚР Қорғаныс министрлігінің баспасөз қызметі.

Министрліктің хабарлауынша, Ливанда хирургтардың, травматологтардың және терапевтердің көмегіне мұқтаж науқастарды емдеуге қазақстандық дәрігерлер тартылған. Күнделікті медициналық және мейірбикелік топтар тексерулер, кеңестер мен операциялар жүргізді.

"Біздің дәрігерлерге әр түрлі жастағы адамдар, оның ішінде кішкентай балалар да көмек сұрады. Ал ең үлкендердің бірі сол жақ сан сүйегінің ығысқан 90 жастағы қарияға жасалған ота болды. Оған сәтті ота жасалды. Жалпы әскери дәрігерлер 635 пациент қабылдады", - деп хабарлады қорғаныс министрлігі.

Қазақстандық тарап Бейруттағы әскери госпитальға дәрі-дәрмек пен медициналық мүлік түріндегі гуманитарлық жүкті тапсырды.

"Ливандықтар ризашылық білдірді. Жергілікті тұрғындар бізді құшақ жая қарсы алды", - деді қорғаныс министрлігінің бас әскери клиникалық ауруханасы басшысының ғылыми және хирургиялық жұмыстар жөніндегі орынбасары, жетекші хирург, полковник Асқар Маруфов.

Ливан қарулы күштерінің басты әскери медициналық бөлімінің бастығы генерал Джордж Юсуфпен және әскери госпиталь бастығы генерал Абудахир Насиммен кездесу өтті.

Кездесуге қатысушылар тәжірибе алмасу, екі елдегі әскери медицинаны дамыту саласындағы ынтымақтастықты одан әрі дамыту мәселелерін талқылады.

4 тамызда Бейрут портында күшті жарылыс болды. Әлі күнге дейін белгісіз себептермен, портта қалдырылған кемеде сақталған 2750 тонна аммиак селитрасы жарылды.

Талқылау
Пікір
Қазір оқып жатыр
Çàãðóçêà...
Қазір оқып жатыр