"50 миллион теңге төлейді": Мақпал Жүнісова өзіне күйе жаққандарды аямайтынын айтты

ҚР халық әртісі, әнші Мақпал Жүнісова әлеуметтік желіде жеке өміріне қатысты өтірік өсек тарататындарға ескерту жасады. Бұл туралы Stan.kz ақпарат агенттігі хабарлайды. 

Фото: https://www.instagram.com/zhunusova.makpal/

Өнер иесінің айтуынша, әлеуметтік желіде олимпиада чемпионы Ермахан Ибрагимовпен әншінің көңіл жарастырғаны туралы ақпарат тараған. 

“Осындай неше түрлі тақырып жазып, менің намысымды таптап жүрген бетсіздерге жақын арада арыз жазамын. 50 миллионға дейін айыппұл төлетіп, сол ақшаны қиналған жандарға беремін. Алла осылай жазып ютубқа салған айуанның жазасын берсін. Ермахан бауырым, мынаны салғандарды тауып, сазайын бірге берейік!”, – деп жазды әнші. 

• "Қазіргі жасымда жараспас еді": Мақпал Жүнісова 42 жыл бұрынғы видеосын жариялады

• "Екі ай бұрын жоспарлап қойдық": Мақпал Жүнісова су тасқыны кезінде концерт беріп, сынға қалды

Желі қолданушылары мен әншінің оқырмандары сабырға шақырып, мән бермеуге кеңес беріп жатыр. 

“Есерсоқтармен жағаласып қайтесіз, әніңізді айтып жүре беріңіз!”, “Сотқа сүйреп, көзіне көк шыбын үймелетіңіз”, “Адамның жеке өміріне араласуға ешкімнің құқығы жоқ”, “Жалған ақпарат таратқандарды жауапқа тарту керек”, “Алаяқтарға мән бермеңіз, сіз халықтың ерке қызысыз”, – деп жұбату жазды тыңдарман қауым. 

Айта кетейік, Мақпал Жүнісова ұшақта домбыра үшін жеке орын сатып алып, әуе компаниясының ережесіне шүйліккен еді. 

Сондай-ақ, өнер иесі Қостанай қаласының мәдениет басшылығына өкпелеп, орнын босатуды талап еткенін жаздық. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Мақпал Жүнісова (@zhunusova.makpal)