Синоптиктердің мәліметінше, желтоқсанда елдің оңтүстік жартысында жауын-шашын жаңбыр мен жылбысқы қар жауады. Таулы және тау бөктеріндегі аудандарда қалың қар жаууы мүмкін.

Елдің батысы мен оңтүстігінде көктайғақ пен тұман жиі болады.

Бірінші онкүндіктегі температуралық фон келесідей болжанады:

республиканың солтүстігінде, орталығында және шығысында түнгі сағаттарда -10, -18°С-тан -3, -10°С-қа дейін, күндіз 0,-8°С-тан -3 +5°С-қа дейін ауытқиды;
республиканың оңтүстігінде, оңтүстік-шығысында түнде -5, +5°С-тан, -1, -8°С-қа дейін, елдің оңтүстік-шығысындағы таулы аудандарда -10, -15°С, күндіз -5, +5°С-тан +5, +12°С-қа дейін ауытқуы болжануда;
елдің батысында ауа температурасының негізгі фоны түнде -1, -8°С, Каспийдың жағалауында +3°С, күндіз +1,+8°С. Онкүндіктің соңында күндіз ауа температурасының -5, +3°С-қа дейін төмендеуі болжануда.

Солтүстік-батыс және солтүстік антициклондардың әсерінен ауа температурасы айтарлықтай төмендейтін кездер де болады.

Желтоқсанның екінші және үшінші онкүндігінде ауа температурасының ауытқуы жиі байқалады:

Еліміздің солтүстік жартысында түнде -18, -23°С-тан -7, -12°С-қа дейін, күндіз -4, +1°С-тан -8, -13°С-қа дейін.

Желтоқсанның екінші жартысының жекелеген күндерінде ауа температурасы түнде -25, -35°С-қа дейін, күндіз -10, -20°С-қа дейін төмендейді.

"Қызметте көтеріліп, сүйінші хабар алады": Желтоқсан айына арналған жұлдыз жорамал

Қазақстанда 2050 жылға қарай халықтың басым бөлігі еліміздің оңтүстігінде тұрады – Сарапшылар

Республиканың оңтүстік-батысында, оңтүстігінде, оңтүстік-шығысында ауа температурасының түнгі уақытта -7, -18°С-тан 0,-5°С-қа дейін, күндіз 0,-5°С-тан +3, +12°С-қа дейін ауытқиды.

Желтоқсанның үшінші онкүндігінде жекелеген күндері аяз күшеюі мүмкін:- түнде -15, -22°С-қа дейін, күндіз -5, -13°С-қа дейін.

Жалпы, желтоқсан айында бүкіл ел бойынша температуралық фон климаттық норма шамасында, ал жауын-шашын мөлшері елдің басым бөлігінде нормадан көп болжануда.

Талқылау