"22 жыл құлдықта өмір сүрген": Қарағанды тұрғыны 16 жасынан бастап құлдыққа түскені туралы айтты
Құқыққорғаушылар қазіргі құл иелерінің құрбандары тек мигранттар ғана емес, сонымен бірге кәдімгі ерлер мен әйелдер, қарттар мен балалар болуы мүмкін екенін ескертеді. Мадина Аманбаева 22 жылын құлдықта өткізген. Бұл туралы Stan.kz ақпарат агенттігі 31 арнаға сілтеп хабарлайды.
Мадина Аманбаева жетімдер үйінде өскен.16 жасында еңбек құлдығына түскен. Ол 22 жыл құлдықта өмір сүрген. 22 жыл бойы фермада істеп, ақысына таяқтан басқа соқыр тиын да алмаған.
"Ұрғанда қалай ұратын. Бірде омыртқам сынған", - дейді ауыр күндері туралы Мадина.
Мадина жұмыс таңдап отырмаған, ерлер істейтін небір ауыр жұмыстарды да істеген. Қазір оның жасы 39-да болса да осыған дейін бір де бір рет айлық алып көрмеген.
"Мені мазақ қылатын. Менің ғана емес қызымның да үстінен күледі. Тіпті, ұрады", - дейді Мадина.
Құлдықта жүрген Мадина үш балалы. Құлдықта жүрген адамдар қалыпты өмірге бірден үйренісе алмайды. Көбісі жалғыздықтан немесе қорқыныштан көз жұмып жатады.
Қазақстанда ипотека не себепті қымбат: Нарықтағы әділ баға қандай болуы керек
Экономист мамандар тұрғын үйдің қымбатшылығына не әсер етіп жатқанын айтты
Неге Қазақстан қалаларында аялдама бағасы пәтер құнымен тең: Әкімдіктер қанша қаржы жұмсайды?
Бір аялдаманың орташа құны шамамен 10,3 миллион теңге