2 миллион теңгеге дейін: Алматыда зардап шеккен дәрігерлерге, полиция қызметкерлеріне, өрт сөндірушілерге өтемақы төленеді
Алматыда тәртіпсіздік кезінде зардап шеккен дәрігерлерге, полиция қызметкерлеріне және өрт сөндірушілерге 2 миллион теңгеге дейін қаражат беріледі, деп хабарлайды Stan.kz ақпарат агенттігі.
Бұл туралы қала әкімі Бақытжан Сағынтаев айтты.
"Осы қиын күндері зардап шеккендерге өтемақы төленіп, қолдау көрсетіледі. Жарақат алған құқық қорғау органдары мен медицина қызметкерлеріне, сондай-ақ өрт сөндірушілерге өтемақы төлейтін боламыз", - деді қала басшысы.
Өтемақы мынадай көлемде төленеді:
- ауыр жарақат алғандарға – 2 миллион теңге,
- орташа жарақат алғандарға – 1 миллион теңге,
- жеңіл жарақат алғандарға – 500 мың теңге.
"Сондай-ақ ТЖ кезінде жұмыс істеген құқық қорғау органдары қызметкерлеріне, медицина қызметкерлеріне материалдық көмек көрсетіледі", - деп толықтырды Сағынтаев.
"Адам қағып өлтіру, есірткі мен тәртіпсіздіктер": Қоғамды дүр сілкіндірген шенеуніктің ұлы Мақсат Үсенов қалай жазадан құтылып келді?
Бірнеше жол апаты, құқық бұзушылық пен өлімге әкелген оқиғалар әр жолы жеңіл жазамен аяқталған
"Балам мектепке бармаймын деп жылайды": Қазақстандық әйел баласына бұралқы иттер шабуыл жасағанын айтып, шағымданды
Оксана: "Адамдардың үйінде асырап отырған мысығын, қояны мен тауығын жеп кетті"