Зүлфия Чиншанло Қазақстан қоржынына үшінші қоланы салды
Зүлфия Чиншанло 55 келіге дейінгі салмақта Токио Олимпиадасында қола медаль алып, Қазақстан құрамасына үшінші медальды салды, деп хабарлайды Stan.kz ақпарат агенттігі.
Жұлқа көтерудегі сәтсіздіктен соң Зүлфия 5-7 орынды бөлісіп қалған еді, алайда соңғы сәттегі жігер мен талпыныс қандасымызды Олимпиада тұғырына алып шықты.
Спортшының додасын қазақстандық телеарналар тікелей эфирде көрсеткен жоқ.
Ол жұлқа көтеруде 90 келіні бағындырды. Ал серпе көтеруде 123 келіні басынан асырды. Қоссайыс қорытындысы бойынша Чиншанло 213 келі көтерді.
Филиппиндік ауыр атлет алтын медальға ие болды. Ол барлығы 224 келіні еңсерді (97+127)
Күміс қытайлық спортшыға бұйырды (223 келі: 97+126).
Айта кетері, Чиншанло құрамамыздың қоржынына үшінші медаль әкелді. Бұған дейін дзюдошы Елдос Сметов пен ауыр атлет Игорь Сон қола медаль иеленді.
Талғарда баланы азғындамақ болған ер адам ұсталды: Қыздың анасы істі ешқандай адвокат алмай жатқанын айтады
Талғар қаласында ұрлық үстінде бала зорлауға әрекет жасаған ер адамды полиция ұстады
Өзбекәлі Жәнібеков кім және Қазақстанда оның кесенесі неліктен тарих және мәдениет ескерткіші деп танылды
Реставрацияның мақсаты – кесененің жағдайын жақсартып, сәулеттік келбетін сақтау және ғұмырын ұзарту