Жүкті әйел күйеуін акуладан құтқару үшін қайықтан суға секірген
АҚШ-тың оңтүстік-шығысындағы Флорида Кейс архипелагының жанында жүкті әйелі күйеуін акуланың аузынан аман алып қалды. Бұл туралы жергілікті the Miami Herald газеті жариялады, деп хабарлайды Stan.kz ақпарат агенттігі.
Оқиға жексенбі күні таңертең, 20 қыркүйекте, 30 жастағы Эндрю Эдди әйелі Марго Дьюкспен және балаларымен бірге жеке қайыққа мінген кезде орын алды. Эндрю маскамен суға сүңгіп кеткенде оның иығынан ұзындығы 2,7 метр акула тістеген.
"Дьюкс көз қиығымен акуланы байқап қалған. Содан айналасы бірден қызыл қанға боялды. Дәл сол мезетте жүкітілігіне қарамастан Марго суға секіріп, Эндрюді қайыққа әкеледі", - делінген полиция хабарламасында.
Билік акула шабуылы нәтижесінде Эндрю ауыр жарақат алып, ал әйелі зардап шеккен жоқ дейді. Ер адам жақын маңдағы ауруханаға жеткізіліп, оған дер кезінде көмек көрсетілген.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді