"Жаңбыр жауып, найзағай соғады": Елімізде алдағы үш күнге ауа райы болжамы жарияланды
Синоптиктер 14-16 мамырға арналған ауа райы болжамын жариялады. Бұл туралы Stan.kz ақпарат агенттігі хабарлайды.
Фото: pixabay.com
Алдағы күндері Қазақстанның ауа райын оңтүстік циклон және онымен байланысты атмосфералық фронтальды бөлімдер айқындайды. Болжамға сәйкес еліміздің басым бөлігінде жаңбыр жауып, найзағай мен бұршақ жаууы мүмкін. Сондай-ақ жел екпіні күшейеді.
14-15 мамырда еліміздің солтүстігі мен орталығында, 15-16 мамырда шығыста, 16 мамырда оңтүстігі мен оңтүстік-шығысында қатты жаңбыр жауады деген болжам бар. 16 мамырдан бастап республиканың батысында, солтүстік-батысында және солтүстігінде жауын-шашын тоқтайды. Сонымен қатар ауа температурасы айтарлықтай төмендейді.
Бұған дейін Атырау облысында шұғыл түрде қосымша қорғаныс бөгеті салынып жатқаны туралы жазған едік.
Талқылау