Тасмағамбетов Шойгуды Минскіге жақында жасаған сапарының қорытындылары туралы хабардар етті. Ұжымдық қауіпсіздік шарты ұйымына (ҰҚШҰ) мүше елдер осы жылдың соңына дейін Беларусьте коалициялық күштердің бірнеше ірі жаттығуларын өткізеді.

"Беларусьтік басымдықтар ҰҚШҰ-ға мүше мемлекеттердің әскери-техникалық ынтымақтастығын нығайту жөніндегі міндеттерді орындауға дайындығын арттыруға бағытталған, олар қалыптасып отырған әскери-саяси жағдайға толық сәйкес келеді", - деп атап өтті ҰҚШҰ Бас хатшысы.

Тасмағамбетовтың айтуынша, қыркүйек айында Беларусьте "Өзара іс-қимыл-2023" жедел әрекет ету ұжымдық күштерімен оқу-жаттығу, қыркүйекте "Іздеу-2023" барлау күштері және құралдарымен, сонымен қатар "Эшелон-2023" материалдық-техникалық қамтамасыз ету бөлімшелерімен арнайы оқу-жаттығуы жоспарланған.

Сондай-ақ ол Қырғызстан аумағында ҰҚШҰ бітімгершілік күштерімен "Мызғымас бауырластық - 2023" оқу-жаттығуын өткізу ұсынылып отырғанын да айтып өтті.

Кездесу барысында ұйымның әскери құрамдас бөлігін дамыту мен оның әлеуетін арттырудың өзекті мәселелері де талқыланды.

Өз кезегінде Шойгу Тасмағамбетовты ҰҚШҰ Бас хатшысы қызметіне тағайындалуымен құттықтады.

Талқылау