"Үш айлық қызын теуіп, жансақтау бөліміне түсірді": Шымкентте ер адам әйелімен жанжалдасып оған күш көрсеткен

Шымкентте тұрғын әйелі мен үш айлық қызын аяусыз ұрып-соққан. Ол сәбиді теуіп, жансақтау бөліміне түсірген. Бұл туралы Stan.kz ақпарат агенттігі Tengrinews.kz порталына сілтеме жасап хабарлайды. 

Фото: pixabay

Оқиға туралы желілерде заңгер, ұлттық қоғамдық сенім кеңесінің мүшесі Айгүл Орынбек хбарлады. Айтуынша ол зардап шеккен әйелді ауруханаға жатқызуға көмектескен.

Адвокаттың айтуынша, жанжал кезінде 53 жастағы ер адам жұбайын ұрып-соғып, оны пышақпен қорқытқан. Кейін үш айлық қызын тепкен. Сәби ауруханаға жансақтау бөліміне түскен. Деректерге сүйенсек оның миына қан кеткен.

• "Сені ұрған мен емес, қолымды ұруға сен итермеледің": Әйтеновтің бұрынғы әйелі күйеуінен көп жыл бойы көрген қорлығын айтты

• Пәтерінің есігін қағып, қашып кеткен: Алматыда екі баланы соққыға жыққан ер адам сотталды

Шымкент полиция департаментінің баспасөз қызметі болған оқиғаны растады. Қазір жағдайға байланысты қылмыстық іс қозғалған.

"Аталған факті бойынша қылмыстық іс қозғалды. Күдікті қамауға алынды. Сот-медициналық сараптама тағайындалды. Тергеу шаралары жүргізілуде", - деді ведомство.