Түркістан облысында оқушы ҰБТ-дан ең жоғары 140 ұпай жинады
Фото: Еduser.online Іnstagram парақшасынан
Түркістан облысының Темірлан ауылында Жәнібек Әбілхан есімді оқушы ҰБТ-дан ең жоғарғы көрсеткіш – 140 балды жинады. Көпбалалы отбасыдан шыққан Жәнібек тестілеуге жүйелі түрде дайындалған. Бұл туралы Stan.kz ақпарат агенттігі хабарлайды.
Түркістан облысының әкімдігінің мәліметінше, Жәнібек 1-сыныптан бастап Шоқан Уәлиханов атындағы мектеп-гимназияда білім алған.
“Ұлттық бірыңғай тесттен 140 балл жинаған Жәнібек Әбілхан – Түркістан облысы Ордабасы ауданы Темірлан ауылындағы Ш.Уәлиханов атындағы мектеп-гимназияның түлегі.
Оқушы ұлттық бірыңғай тестілеуде информатика пәнін таңдаған. Көпбалалы отбасыдан шыққан Жәнібек ізденімпаз, білімді оқушы. Жәнібектің жетістігі – табандылық пен жүйелі дайындықтың нәтижесі”, – делінген ведомство хабарламасында.
Түркістан облысында жасөспірім қызды зорлады деген басты күдікті мен 12 ер адам жауапқа тартылмаған күйі, іс жабылған
Оқиға осыдан екі жыл бұрын тамыз айында болған
Қазақстандық лазерлік эпиляциядан рак жасушаларын оятып алғанын айтты: Мұндай жағдай болуы мүмкін бе
Дәрігер: "Лазер термиялық зақым келтіріп, кейде күйдіруі мүмкін"