Трамп Венесуэла президенті мен оның жұбайы ұсталғанын мәлімдеді
АҚШ президенті Дональд Трамп Венесуэла президенті Николас Мадуро мен оның жұбайы ұсталып, елден тысқары жерге әкетілгенін мәлімдеді. Бұл туралы Stan.kz ақпарат агенттігі хабарлайды.
Трамп бұл ақпаратты Truth Social әлеуметтік желісіндегі парақшасында жазды.
“Америка Құрама Штаттары Венесуэлаға және оның көшбасшысы президент Николас Мадуроға қарсы ауқымды операцияны сәтті жүргізді. Ол жұбайымен бірге ұсталып, ел аумағынан тысқары жерге әкетілді. Бұл операция АҚШ-тың құқық қорғау органдарымен бірлесіп жүзеге асырылды. Толығырақ ақпарат кейінірек жарияланады. Баспасөз мәслихаты бүгін жергілікті уақытпен сағат 11:00-де Мар-а-Лаго резиденциясында өтеді”, – деп жазды Трамп.
Скрин: Truth Social
Айта кетейік, бұған дейін АҚШ-тың Венесуэла астанасы Каракасқа шабуыл жасағаны туралы жазған едік.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”