Соңғы жаңалықтар

Бір учаскеде 90%, ал басқа жерде 3% қолдау болуы мүмкін емес: Беларусьтегі сайлау нәтижелері неге күмән тудыруда

Беларусь президенттігіне үміткер Светлана Тихановскаяның штаб-пәтері президент сайлауының ресми нәтижелерін мойындамайды. Бұл туралы саясаткердің сенімді өкілі Ольга Ковалькова мәлімдеді. Оның пікірінше, тәртіп бұзушылықтар болмаған жерлерде Тихановская қарсыластарынан басым түсіп, жеңіске жетті, деп хабарлайды Stan.kz ақпарат агенттігі.  

"Бізде кеше учаскелік комиссиялардан келіп түскен ақпарат бар, онда нақты дауыстар есептелген, жалған дауыстар жоқ. Светлана жеңді, ол - 70-тен, кейбір жерлерде 90% -ға дейін дауыс жинаған. Осы ақпаратпен біз ОСК-ның бүгінгі сөздерін қабылдай аламыз ба? Әрине, жоқ", - деді Ковалькова РИА Новостиге.

Оппозицияның бірнеше сайлау учаскелерінен алынған деректері бар деген сынға жауап ретінде Ковалькова бұл сайлау учаскелері елдің әр түрлі аймақтарында орналасқан деп қарсылық білдірді.

"Бір аймақта Светланаға 90% қолдау көрсетіліп, ал екіншісінде 3, немесе 6, немесе 8% ғана дауыс берілуі мүмкін емес", - деп толықтырды Ковалькова.

Life хабарлағандай, Беларусьтің Орталық сайлау комиссиясының алдын ала мәліметтері бойынша, 10 тамызда таңертең қазіргі президент Александр Лукашенко дауыс берудің абсолютті көшбасшысы болды. Ол 80% -дан астам дауысқа ие болды. Оның сайлаудағы басты қарсыласы Светлана Тихановская шамамен 9% дауыс жинады. ТМД байқаушылары Беларуссиядағы сайлаудың заңдылығын растады.
 

Талқылау
Пікір
Қазір оқып жатыр
Çàãðóçêà...
Қазір оқып жатыр