Таразда аурухана дәрігерлері жаңа туған сәбилерді сатты деп күдіктелуде
Тараздағы қалалық көпсалалы ауруханада екі медицина қызметкері жаңа туған нәрестелерді сатумен айналысқан деген күдікке ілінді, деп хабарлайды Stan.kz ақпарат агенттігі.
Жамбыл облысы прокуратурасының баспасөз қызметі бұл жағдайды растап отыр.
Белгілі болғандай, Тараз қаласының прокуратурасы Жамбыл облысы ІІД Ұйымдасқан қылмысқа қарсы күрес басқармасымен бірлесіп, жаңа туған нәрестелерді сату фактісін анықтады.
"Аталмыш факті бойынша 2023 жылдың 12 қаңтарында Қылмыстық кодекстің 135-бабының 1-бөлігі бойынша сотқа дейінгі тергеу басталды, Тараз қалалық көпсалалы ауруханасының екі медицина қызметкері қамауға алынды", – делінген прокуратураның хабарламасында.
Дәрігерлер ҚР Қылмыстық-процестік кодексінің 128-бабына сәйкес уақытша ұстау изоляторына қамалды.
Қылмыстық істі тергеуді қалалық прокуратура өз бақылауына алды.
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан
Республика күні мен Тәуелсіздік күні неге екі бөлек атап өтіледі
Саясаттанушы: "Көп жыл бойы "Неліктен 25 қазанның маңызын екінші орынға ысырып қоямыз?" деген мәселе көтерілді"