Талибан Қазақстанға әуе рейсін ашуға ниетті
Премьер-министрдің орынбасары Серік Жұманғарин Кабулға іссапармен барды. Ол "Талибан" қозғалысы құрған Ауғанстанның уақытша үкіметінің жетекшілерімен келіссөздер жүргізді. Бұл туралы Stan.kz ақпарат агенттігі хабарлайды.
Фото: Үкіметтің баспасөз қызметі
Қазақстан мен Ауғанстанның авиациялық биліктері арасындағы меморандум аясында тараптардың әуе тасымалдаушылары аптасына үш тұрақты жолаушы және жүк рейсін орындауға құқылы болмақ.
"Екі ел арасындағы қарым-қатынастың дамуымен Кабул мен Астана арасында тікелей әуе қатынасын бастау қажет", – деді Ауғанстан сыртқы істер министрлігі.
Сондай-ақ Қазақстан тарапы трансауғандық дәлізді дамыту жобаларын іске асыруға қатысуға дайын екенін айтты.
Бүгінде Термез-Мазари-Шариф-Кабул-Пешавар және Герат-Кандагар-Спин Булдак теміржолдарын салу жоспарланған. Жоба елдер арасындағы жүктерді жеткізу мерзімін он есеге жуық қысқартуға, сондай-ақ жүк тасымалдау құнын төмендетуге мүмкіндік береді. Қазақстан теміржол жолының жоғарғы құрылымына қажетті материалдарды, шпалдарды және өз өндірісінің бекіткіштерін жеткізу арқылы трансауғандық темір жол құрылысына қатысуға дайын.
Еске салсақ, Қазақстан билігі "Талибан" қозғалысын елде тыйым салынған ұйымдар тізімінен шығару туралы шешім қабылдаған еді.