Сұралмаған кеңестерге қалай жауап беру керек: Мамандар мұндай жағдайда өзін қалай ұстау керегін айтты

Сұралмаған кеңес көбіне адамды одан сайын ашуландырады. Себебі қолдау алғысы келген адамға нұсқау беріп, бәрі ақыл айтқысы келгендей болады. Психологтар мұны қысым мен құнсыздану сезіміне байланысты екенін түсіндіреді. Бұл туралы Stan.kz ақпарат агенттігі хабарлайды.

Психолог Родион Чепаловтың айтуынша, ақыл айтқан сөздердің өзінен емес, “сен шеше алмай жатсың” деген жасырын хабарламадан ашуланады. Ол сұралмаған кеңес берушілердің бірнеше түрін атады: қамқорлық жасау деген желеумен бақылау жасайтындар, өз құндылығын көтергісі келетіндер немесе жай ғана тыңдау білмейтіндер.

Кеңес тек сұралған кезде, контекст ескерілгенде және адамның тәжірибесі құрметтелгенде ғана орынды болады. Әйтпесе ол қысым ретінде қабылданады.

Ол мұндай адамдарға "Рақмет, маған бірдеңе керек болса, өзім сұраймын", "Қазір мені тек тыңдау керек", "Мен мұны өзім шешіп жатырмын" деп сабырлы және қысқа жауап берген дұрыс дейді. 

Психолог Ксения Солопананова кез келген сұралмаған кеңес жеке шекараларға қол сұғу және жоғары позицияны иелену әрекеті ретінде қабылданатынын атап өтеді. Бұл әсіресе сөздердің артында нақты қолдау болмаған кезде өткір болады.

Оның айтуынша, мұндай кеңес көбіне көмектесу ниетінен емес, өз мазасыздығын азайту немесе басқа адамның жағдайын бақылауда сезіну үшін беріледі.

Психолог Ксения Мосунова кеңес адамның жағдайына бейімделуі керек дейді. 

Кеңес бермес бұрын, "Сізге тыңдағаным маңызды ма әлде пікірімді естігіңіз келе ме?" деп сұрау маңызды. Егер адам кеңес сұрамаса, алдымен жанашырлық танытып, содан кейін ғана қажет болған жағдайда өз тәжірибеңізді бөліскен дұрыс.

Сондай-ақ маңызды қағида – сөзбен емес, іспен көмектесу, жалпы ұсыныстардың орнына нақты көмек дейді.