Қазақстан қалаларында пәтерлер қанша тұрады – Статистика

Қазақстандағы қайталама нарықтағы пәтерлердің орташа бағасы 7 миллионнан 42,5 миллионға дейін. Ең арзан баспана Қызылордада, ең қымбаты Алматыда тіркелді. Бұл туралы Stan.kz ақпарат агенттігі Krisha.kz сайтына сілтеме жасап хабарлайды.

Фото: Pixabay.com

Аналитикалық қызметтің мәліметінше, жыл басынан бері орташа бағаның динамикасы тұрақты. Қаңтар мен маусым аралығында 10 қалада пәтер бағасы төмендеді:

• Қызылордада (-3%)
• Семейде (-1,9%)
• Шымкент пен Қарағандыда (-1,7%)
• Алматыда (-1,3%)
• Атырауда (-1,2%).

Қостанай, Өскемен, Павлодар, Тараз қалаларында 1% шегін көрсетіп тұр.

Статистика бойынша баға алты қалада қатты өскен. Ең қымбат баға Петропавлда (+4,7%), Ақтауда (+3,1%) және Оралда (+1,9%) болды. Астанада бағалар іс жүзінде өзгеріссіз қалды.

• Қазақстанда баспана арзандап жатыр – Статистика

• Сарапшылар су тасқынынан кейін елде баспана бағасы шарықтайды деп болжады

Еске салайық, бұған дейін Алматыда жоғары қабаттағы пәтер құны 10% түскенін жазған едік. Дегенмен жалға алу құны біршама өскен. Қазақстан бойынша бес айдың қорытындысына сәйкес жаңа үйлердегі пәтерлердің бағасы өткен жылмен салыстырғанда небәрі 2,2% өскен. Қайталама нарықтағы үйлер 2% арзандады.