Сиви Махмуди денсаулығына байланысты кеудесіне пластикалық ота жасатқан
Жақында омырауына пластикалық ота жасатып, мұнысын дүйім жұртқа жария еткен Сиви Махмуди сынға қалған еді. Көпшілік мұның күнә екенін айтып, әншінің қылығын бетіне басуда. Алайда Сиви еріккеннен операция жасамағанын айтады. Сөзіне қарағанда, денсаулығы сыр беріп, пластикаға келісуге мәжбүр болған, деп жазады Stan.kz ақпарат агенттігі.
"Жұрт өмір бойы мені "түрің жасанды" деп айыптайды. Бірақ бұл – менің алғашқы операциям. Оның өзінде ісік (киста) болғандықтан жасаттым. Кеудемнің өлшемі қашанда мінсіз болған. Одан басқа пластика жасатқан емеспін. Бәрі өзімдікі", - деп мәлімдеді Сиви.
Сондай-ақ әнші Instagram-дағы оқырмандары жолдаған өзге сауалдарға жауап берді. Ол гардеробындағы ең қымбат көйлектердің бірін көрсетті. Бағасын да жасырмады.
"Өте көп қымбат көйлектер бар, есімде жоқ. Мысалы, мынау шамамен 3 мың доллар", - деді ол.
Махмуди отбасын сақтап қалу үшін көп нәрсеге шыдайтынын айтты. Алайда:
"Бірақ адам бағаламай, шектен шығып кетсе, біржола кетуім мүмкін", - деді ол.
Талқылау