Шығыс Қазақстан облысындағы сегіз елдімекенге су тасқыны қаупі төніп тұр

Фото: Үкімет

Шығыс Қазақстан облысында екі қала мен 11 ауданда орналасқан 72 су тасқыны қаупі бар елдімекен анықталған. Олардың 15-інде су басу қаупі жойылған, 49-ында қауіп барынша азайтылған. Тағы сегіз елдімекен қауіп аймағында қалып отыр, бұл жерлерде тәулік бойы бақылау ұйымдастырылған. Бұл туралы Stan.kz ақпарат агенттігі хабарлайды.

Вице-премьер Қанат Бозымбаев Шығыс Қазақстан облысындағы су тасқыны жағдайымен танысты. Ол Өскеменде екі өзеніндегі гидротехникалық құрылыстарды, сонымен қатар осы өзеннен су айдап, су бұру арнасына жеткізетін және жақын маңдағы үйлерді су басудан қорғайтын 1А сорғы станциясын тексерді.

Содан кейін вице-премьер Зубовск ауылындағы жағалауды бекіту бөгетінің жай-күйін және Малевск ауылындағы Бұқтырма өзенінің гидробекетін қарап шықты.

Қанат Бозымбаев "Қазгидромет" қызметкерлеріне облыс әкімдігімен бірлесіп, бөгет құрылыстары жүргізілгенін ескере отырып, гидробекеттердің сыни деңгейлерін қайта есептеуді және түзетуді тапсырды. Барлық тиісті қызметке мамыр-маусым айларына болжанып отырған су тасқынының үшінші толқынына белсенді дайындықты дереу бастауды тапсырды.

Алматылықтар BAZIS-A cалған тұрғын үйдің кесірінен көшеде су толып қалатынына шағымданды

СҚО-да су тасқынының кесірінен екі мыңдай адам жол жүре алмайды

Еске салайық, бұған дейін Орал тұрғындарын су тасқынына байланысты қауіпсіз жерге көшіріп жатқанын жазған едік. Мамандар жергілікті тұрғындармен санаса отырып, жер телімдерін алып қоюдың тиімді жолдарын қарастырып жатыр. Орал тұрғыны Виктор Свягиннің үйін су басып қалуы мүмкін. Былтыр тасқын кезінде Жайық өзенінің суы оның учаскесіне 8 метрге дейін жақын келген. Көктемгі су тасқыны кезінде өзен арнасы бағытын өзгерткен.