Шетелде 9 мыңдай Қазақстан азаматы дауыс берді
Фото: СІМ
Орталық референдум комиссиясы 19:00-дегі жағдай бойынша шетелдегі қазақстандықтардың дауыс беруі туралы мәліметтерді ұсынды. Бұл туралы Stan.kz ақпарат агенттігі хабарлайды.
Сыртқы істер министрінің орынбасары Арман Исетовтің айтуынша, референдумда 54 елде орналасқан 71 референдум учаскесі жұмыс атқарып жатыр.
Референдум учаскелерінде дауыс беру үдерісі Астана уақытымен таңғы сағат 03:00-ден бері жүргізіліп келеді. Уақыт айырмашылығына байланысты сағат 19:00-ге дейін шетелдегі барлық учаскелер ашылып, оның 14-і жабылып үлгерді. Осыған дейін келіп дауыс бергендер саны – 9050 адам.
Сағат 00:00-ге дейін шетелдегі 64 учаске өз жұмысын аяқтайды.
АҚШ-тың Сан-Франциско қаласындағы референдум учаскесі ең соңғы болып 16 наурызда Астана уақытымен сағат 08:00-де шетелдегі сайлау үдерісін тәмамдайды.
Еске салсақ, әлемнің 40 елінде қазақстандықтар референдумда дауыс бере алатынын жаздық.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”