Сатиралық парақшаның авторы екі айға қамауға алынды
Алматы соты QazNews24 сатиралық парақшаның авторы Темірлан Еңсебекті екі айға қамауға алды. Бұл туралы Stan.kz ақпарат агенттігі хабарлайды.
Белсендінің қамауға алынғанын адвокаты Жанара Балғабаева мәлімдеді.
"Бүгін сот отырысы өтті, бұлтартпау шарасы ретінде сотқа дейінгі тергеп-тексеру барысында екі айға қамауға алу ретінде белгіленді. Ол уақытша ұстау изоляторына ауыстырылады", – деді ол.
Оның айтуынша, қорғаушы тарап сот үкіміне шағымданбақ.
Қылмыстық кодекске сәйкес "Әлеуметтік, ұлттық, рулық, нәсілдік, таптық немесе діни араздықты қоздыру" бойынша оның кінәсі дәлелденсе, жеті жылға дейін бас бостандығынан айырылуы мүмкін.
Бұған дейін Алматы полиция департаменті желіде ұлтаралық араздықты қоздырды деген күдікпен қоғамдық парақша авторына қатысты қылмыстық іс тергеліп жатқанын хабарлаған.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”