Сән-салтанатқа салынатын салық қандай мүліктерді қамтиды: Маман түсіндірді
Салық және кеден саясаты департаментінің бас маманы Елнар Қазбеков сән-салтанатқа енгізілетін салыққа қандай мүліктердің кіретінін түсіндірді, деп хабарлайды Stan.kz ақпарат агенттігі.
"Санаулы адамдар тобына тиесілі яхталарға, жеке ұшақтарға салықты арттыру ұсынылып отыр", - дейді Елнар Қазбеков.
Спикердің айтуынша, орта тап өкілдеріне салынатын салық артпайды.
"Халықаралық тәжірибеде жоғары салық салу қолданылып келеді. Мысал келтірсем: құны 100 мың доллардан жоғары тұратын автокөліктерге үлкен көлемде салық салуға болады", - деп түсіндірді салық саясаты департаментінің бас маманы.
Одан бөлек, екі немесе одан да көп элиталы мүліктерге ие адамдарға салықты көбейту қарастырылуы мүмкін.
Сән-салтанатқа енгізілетін салық мәселесі мемлекеттік органдармен, сарапшылармен, бизнес өкілдерімен талқыланатын болады.
Айта кетейік, Қасым-Жомарт Тоқаев Қазақстан халқына арнаған Жолдауында сән-салтанатқа салық енгізуді ұсынған еді.
Талқылау
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр
"Қысқа мерзімді жеңілдіктер ұзақ мерзімді дағдарысқа ұласуы мүмкін": Сарапшылар Қазақстанда шұғыл енгізілетін шараларға қатысты пікір білдірді
Оның айтуынша, жаңа салық кодексінде әзірге айтарлықтай өзгеріс жоқ