Сәкен Бибосынов "Елорда кубогінің" финалына шықты
Токио олимпиадасының қола жүлдегері Сәкен Бибосынов Астанада өтіп жатқан "Елорда кубогінде" қарсыласын айқын басымдықпен ұтып, жарыстың финалына шықты. Бұл туралы Stan.kz ақпарат агенттігі хабарлайды.
Фото: ҰОК
2021 жылғы әлем чемпионы Сәкен Бибосынов "Елорда кубогі" турнирінің алтын жүлдесі үшін жұдырықтасады. 51 келіде өнер көрсететін отандасымыз жартылай финалда жапониялық боксшы Макино Соушиге қарсы жұдырықтасып, 5:0 есебімен айқын басымдықпен ұтты. Сәкен бұған дейін өзбекстандық Мұхаммедқадыр Мамыржоновты да айқын басымдықпен ұтқан еді. Енді ол финалда тағы бір қазақстандық боксшы Дамир Әбдіқадырға қарсы жекпе-жекке шығады.
Айта кетейік, бұған дейін олимпиада жолдамасының иегерлері Қамшыбек Қоңқабаев пен Айбек Оралбай "Елорда кубогінің" финалында жолығуы мүмкін екенін жаздық. Бүгін спортшылар жартылай финалдық кездесулерін өткізеді.
Талқылау
Үй алудың жаңа мүмкіндіктері: Алдағы уақытта қандай тұрғын үй бағдарламалары іске қосылады
Айта кетейік, қараша айында "Наурыз" және "Наурыз Жұмыскер" бағдарламалары бойынша өтініш қабылдау қайта басталады
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен