Петропавлда мектепке балта мен пышақ әкеліп шабуыл жасаған баланы өзге оқушылар мен мұғалімдер ұстаған
Ішкі істер министрінің бірінші орынбасары Марат Қожаев Петропавлдағы мектепте болған шабуылдың жай-жапсарын айтып берді, деп хабарлайды Stan.kz ақпарат агенттігі.
Қожаев 13 ақпанда Петропавл қалалық полиция бөліміне мектеп оқушыларының дене жарақаттары туралы хабарлама келіп түскенін айтты.
"Тексеру кезінде сөмкенің ішінде қолдан жасалған масканың бар екені және оның (щабуыл жасаған оқушының – ред.) 9-сынып оқушысы екені анықталды. Дәретханада ол осы масканы киіп, содан кейін балтамен дәлізге жүгіріп шығып, осы мектептің оқушысын екі рет ұрып, содан кейін бір қызды және тағы бір оқушының иығынан ұрған", - деді Қожаев үкімет отырысында.
Оның айтуынша, шабуыл жасаған баланы жоғары сынып оқушылары мен мұғалімдер ұстаған.
- "Дәретханаға кіргенде балтамен ұрды": Петропавлда зардап шеккен оқушылардың бірі жасөспірімнің шабуылы туралы айтып берді (видео)
- "Ойын ойнаған": Петропавлдағы 9-сынып оқушысының шабуылына қатысты тың дерек айтылды
- Басынан балтамен ұрған: Премьер-министр Петропавл мектебінде болған оқиғаға қатысты тапсырма берді
"Қазір екі бала ауруханада жатыр, олардың жағдайы тұрақталды, біреуі тексеруден кейін үйіне жіберілді. Оқиғаға байланысты қылмыстық іс қозғалды", - деп қосты министрдің орынбасары.
Қожаевтың мәліметінше, №4 орта мектепте балалар екі ауысымда білім алады, бар, 974 оқушы оқиды, мұғалімдер штаты 70 адам, оның біреуі психолог. Бөлмеде және оған жақын аумақта 42 бейнебақылау камерасы, бес дабыл түймесі орнатылған.
Еске салайық, Петропавлда №4 мектепте төтенше жағдай орын алған. 9-сынып оқушыларының бірі сабақ басталар алдында мектепке балта мен пышақ әкеліп, жоғары сынып оқушыларына шабуыл жасаған.
Осыдан кейін прокуратура алдын ала мәлімет бойынша, шабуыл жасаған баланың психиатриялық есепте тұрғанын хабарлады.
Кейін әлеуметтік желілерде шабуыл жасаған баланың қолында болды деген маска мен балтаның суреті пайда болды.