Reuters мәліметінше, Пелоси Тайвань парламентінде сөйлеген сөзінде АҚШ-тың чип туралы заң жобасы чип өнеркәсібіндегі АҚШ-Тайвань ынтымақтастығына жақсы мүмкіндік болатынын айтты.

"Тайвань тарихы - бостандықты сүйетін барлық адам үшін шабыт сыйлайды. Қазір Американың Тайваньмен ынтымақтастығы бұрынғыдан да маңызды және бүгінгі үндеуіміз де соған саяды", - деді Пелоси Тайвань парламентіне.

"Біз достық ниетпен, бейбітшілікті ұстанатын аймаққа келдік", - деді ол. Пелоси Аралдың басшылығына қонақжайлылығы үшін алғыс айтты, Тайваньды "әлемдегі ең еркін қоғамдардың бірі" деп атады және Вашингтон Тайбэймен парламентаралық диалогты жандандырғысы келетінін жеткізді.

Ол "АҚШ пен Тайваньның экономикалық ынтымақтастығына көбірек мүмкіндіктер пайда болады" деген үмітін білдірді. Пелоси сонымен бірге АҚШ Тайваньды қолдауы керек деді, өйткені арал Пекиннің барған сайын өсіп келе жатқан қауіп қатеріне тап болып отыр.

Бұнымен қоса Пелоси Гонконг пен Тайваньның демократияны қолдайтын белсенділерімен кездесуді жоспарлап отыр. Келіссөздер ортақ мүдделерді және еркін және ашық Үнді-Тынық мұхиты аймағын ілгерілетуге арналады, делінген хабарламада.

Айта кетейік, АҚШ өкілдер палатасының спикері Нэнси Пелоси мінген америкалық Boeing C-40C ұшағы Тайбэй қаласына қонған еді. Сондай-ақ, АҚШ Өкілдер палатасының спикері Нэнси Пелоси Тайваньға келгеннен кейін жазбаша мәлімдеме жасады. Онда аралға сапары "Тайвань демократиясын" қолдаудағы "Американың адалдығы" екенін айтты.

Талқылау