Павлодарда ер адам әкесін пышақтап тастады
Павлодардағы отбасылық жанжал қайғылы жағдаймен аяқталуға сәл қалды. Жергілікті тұрғын әкесін пышақтап тастады. Бұл туралы Stan.kz ақпарат агенттігі "Астана" арнасына сілтеме жасап хабарлайды.
Пәтерден қорқынышты айқайды естіген көршілері полиция шақырған. Кикілжіңнің екі қатысушысы да мас болғаны анықталды.
"Оқиға орнына келген полиция қызметкері әкесі мен баласы арасында жанжал болғанын анықтады. Нәтижесінде ұлы зейнеткер әкесін пышақпен жарақаттады. Аталған факт бойынша ҚР Қылмыстық кодексінің 106-бабы, бірінші бөлімі бойынша сотқа дейінгі тергеу басталды", - деді Павлодар облысы ПД баспасөз хатшысы Жанна Белялова.
70 жастағы ер адам ауруханаға жеткізілді. Қазір зейнеткер ауыр халде. Жәбірленушінің ұлы тергеу изоляторында. Ол сегіз жылға дейін бас бостандығынан айырылуы мүмкін.
"Туысқандарым теріс айналды": 22 жасында христиан дінін қабылдаған қазақ қызы өміріндегі өзгерістер туралы айтты
Мадина: "Кейбір туыстарымыз біздің таңдауымызды қабылдай алмады"
Бірінші қазақша ма, әлде орысша ма: Қазақстанда жарнама мен маңдайшаларды орналастыру тәртібі қандай?
Тіл туралы заңның 21-бабында көрнекі ақпараттың бүкіл мәтіні белгіленген тәртіп бойынша орналастырылатыны жазылған