Павлодар мектебінде газдың иісінен 15 оқушы зардап шеккен
Ленин кенті мектебінде газ шашылып, оның иісінен 15 бала зардап шекті, деп хабарлайды Stan.kz ақпарат агенттігі PavlodarNews сайтына сілтеме жасап.
23 қыркүйекте Ленин кентіндегі № 33 орта мектепте сағат 11:00 шамасында белгісіз біреулер екінші қабаттың дәлізіне бұрыш спрейін шашқан.
"Мектеп ғимаратынан 672 оқушы эвакуацияланды, 15 оқушы облыстық балалар ауруханасына жатқызылды. Оқиға орнында екі жедел жәрдем көлігі, полиция қызметкерлері мен Павлодар қалалық төтенше жағдайлар бөлімі жұмыс істеп жатыр", – деді Павлодар қаласы төтенше жағдайлар басқармасы басшысының орынбасары Тілекжан Ғалямов.
Әзірге аталмыш жағдайға кінәлілер анықталмады. Оқиға орнында дәрігерлер, полиция және төтенше жағдайлар қызметі жұмыс істеп, жағдайды анықтап жатыр.
Естеріңізге салсақ, осыған дейін Павлодарда мектепті “миналаған” оқушы анықталғаны хабарланған еді.
"Қазақстанға Алланың мықты бір азабы керек" деп айтқан қарағандылық мұғалім жұмысынан кетті
"Хиджаб кимейді, мектепте кимейді" дейді мұғалім өзінің қыздары жайлы
"Өзімді қызбын деп шектеген емеспін": Қазақстандағы құтқару авиациясының жас ұшқышы қалай адамдарды құтқарып жүр
Ол – еліміздегі құтқару қызметінде тікұшақ басқаратын үш қыздың бірі