Өзіме-өзім беремін жауап, сенің де менде шаруаң болмасын: Төреғалидің әні желіде шу болды
Әнші Төреғали Төреәлінің желіде жарияланған өлеңі ел арасында дауға айналды.
Әнші жақында “Шаруам жоқ” әнінің мәтінін желідегі парақшасында жариялады. Мұны ел әншінің басынан өткен даулы оқиғадан соң халыққа айтқаны деп қабылдап түрлі пікір айтып жатыр.
Момын бар елде, асаулар бар,
Мықтыларда бар, осалдар бар.
Қол-аяғымның қожайынымын,
Басқада менің не шаруам бар?
______________________________________
Таң қалма жүйрік жабыдан қалса,
Озады жабы бағы бар болса.
Адамның басы Алланың добы,
Басқада менің шаруам қанша?
______________________________________
Қайырмасы:
Жорғалатқанмен жауын алдында,
Нәпсіні жеңген палуан жоқ.
Нәпсісін жеңген палуанның да,
Шаруасында шаруам жоқ!
______________________________________
Қаралап мені қара баспа,
Сырымды сыртқа ала қашпа.
Жақсы күндердің арасын бөліп,
Шаруаларыма араласпа.
______________________________________
Адам жолдасым, Аллам қолдасын,
Сөздерім інжу маржан қорғасын.
Өзіме-өзім беремін жауап,
Сеніңде менде шаруаң болмасын!
Әннің сөзін ақын Қайнар Алагөзов жазған.
“Халық болмаса сен әнші болмас едін. Шаруам жоқ деп қояды. Қандай өр көкірек адамсың. Шаруаларың болмасын дейтін. Сенде ешкімнің шаруасы болмаса, осылай атақты болар ма едің. Шамалы сыйласаңшы халықты. Өмір бойы бай болып қалмайсың. Алла бәрімізді жермен жексен ете алады. Қарапайым бол”.
“Әркім өз атынан сөйлесе дұрыс болар еді, мына жерде сені ешкім тындамайды, құның көк тиын деген сөздер жазылыпты. Мен олай ойламаймын, өлеңдерін тыңдай берем, оған мінезінің қатысы жоқ. Қателессе кешірім сұрады. Қателеспейтін пенде жоқ. Біреуді мұқатқанды жақсы көретін, өз кемшілігін байқамайтындар толып жатыр”, дейді желі қолданушылары.
Тағы да оқыңыз:
Баланың даусын салып қызын еркелеткен Баян Алагөзова жұртты күлкіге қарық қылды (видео)