Өскемендегі супермаркеттердің бірінде ер адам балаға шабуыл жасаған
Өскемендегі супермаркеттердің бірінде ер адам баланы балағаттап, кейін қылқындырған. Бұл туралы зардап шеккен баланың анасы мәлімдеді, деп хабарлайды Stan.kz ақпарат агенттігі Altaynews.kz басылымына сілтеме жасап.
Әлеуметтік желідегі жазбаға сәйкес, ер адам алдымен баланы балағаттаған. Артынша мойнынан ұстап, қылқындыра бастайды. Мұны көрген өзге келушілердің айқайынан кейін ол баланы жібере салған. Оқиға бейнебақылау камерасына түсіп қалған.
Шабуыл жасаған ер адамның психикалық дертке шалдыққаны анықталды.
"Арыз бойынша аталған азамат ұсталып, психоневрологиялық диспансер бөліміне тапсырылды", – делінген ШҚО полиция департаментінің хабарламасында.
Басылымның мәліметінше, баланың анасы психикалық дертке шалдыққан адамды қалай ауруханадан босатып жібергенін түсінбейді. Әйел прокуратураға медициналық мекемені тексеру туралы арыз жазған.
Жаңа салық кодексі әлеуметтік кәсіпкерлерді жеңілдіктерден айырды – Тапсырыс жоқ, қарыз көбейді
Эмин Аскеров: "Қызметкерлердің тағы 10%-ын толық емес жұмыс күніне ауыстырдық"
Шетелдіктерге қазақ тілі тесті қаншалықты қиын: ВНЖ-ны кімдер ала алады?
Тест онлайн форматта ҚАЗТЕСТ жүйесі арқылы өткізіледі