Өскеменде жас жігіт жаяу жүргіншілер көпірінен секірмек болды
Өскеменде 23 жастағы жас жігіт жаяу жүргіншілер көпіріне шығып, өз-өзіне қол жұмсамақ болған. Құтқарушылар оқиға орнына келіп, оның өмірін сақтап қалды, деп хабарлайды Stan.kz ақпарат агенттігі.
Оқиға 29 шілдеден 30 шілдеге қараған түні Спорт сарайының маңында болған. Оқиға орнына жедел жеткен ШҚО Төтенше жағдайлар департаментінің құтқарушылары көпірге шығып, жігітке жетіп, онымен әңгімелескен.
“Адекватсыз күйдегі жігіт секіремін деп айқайлаған. Осы аралықта төтенше жағдайлар қызметі жігіттің көңілі ауған кезде оны ұстап алып, кейін сақтандыруға арналған құтқару құралдарын кигізді”, – деді Шығыс Қазақстан облысы Төтенше жағдайлар департаментінің баспасөз қызметі.
Нәтижесінде жас жігітті баспалдақпен түсіріп алып кетті.
Операцияға оқиға орнын қоршауға алып, құтқару арқанын ұстауға көмектескен полиция қызметкерлері қатысты.
Жігітті мән-жайды анықтау үшін ішкі істер органдарына жіберді.
Қазақстандық ер адам желідегі пікірі үшін қамауға алынды: Ол аккаунт жалған екенін айтып отыр
Полиция Дмитрий Бородаевтың ісіне қатысты тергеп-тексеру жұмыстарын жүргізіп жатыр
Павлодар облысында екі әйелдің босанған соң жатыры алынып, бірі сәбиінен айырылған
Сарапшылардың қорытындысына сәйкес, кесарь тілігінен кейін әйелдің жағдайына тиісті медициналық бақылау жүргізілмеген