Оралда ер азамат жұмыс барысында тоққа түсіп көз жұмған: Анасы әділдікті қалайды

Орал тұрғыны жұмыс барысында тоққа түскен ұлының өліміне кінәлілерді анықтап, әділ тергеуді талап етеді, деп хабарлайды Stan.kz ақпарат агенттігі Astana TV арнасына сілтеме жасап.

Сурет: түсірілімнен скриншот

28 маусымда электр желісіндегі апатты жою барысында ер адам токқа түскен. Марқұмның анасы  оның әріптестерін кінәлі деп санайды. Бірақ компания электромонтер үлкен қателік жіберді дейді.

Любовь Маншинаның айтуынша, сол күні ұлы хабарласып, оны жұмыстан алып кете алмайтынын айтқан. Өйткені  электр желісінде үлкен апат болып, адамдар бірнеше күн жарықсыз отыр деген.

"Саша азаппен мерт болды. Қызметкерлер тарапынан болған немқұрайлылықты бәрі жасыруға тырысуда. Шебердің өзі пышақтарды шатастырып алғанын айтты. Жерге түсірудің орнына ол тоқты қосқан. Күдікті бар, бірақ іс бойынша диспетчердің аты аталмаған. Трансформаторды қосу немесе өшіру үшін контроллер осы іске тікелей араласу керек”, – дейді әйел.

Қаза болған жанның анасы кәсіпорында 20 жылдан астам жұмыс істеген Александрдың қателеспегеніне сенімді. Бірақ компания басшылығы қызметкердің олқылық жібергенін айтады.

“Саша расымен жақсы жігіт болды, оны бәрі құрметтеді. Алайда ол ПТБ нұсқаулығы бойынша техникалық қауіпсіздік ережелерін бұзды. Жұмысқа кіріспес бұрын кернеудің жоқтығына көз жеткізу керек еді”, – деді қалалық электр желілерінің бастығы Сергей Доля.

Жұмысшы қазасынан кейін "еңбекті қорғау ережелерін бұзу" бабы бойынша қылмыстық іс қозғалып, арнайы комиссия талқыланды. Оның қорытындысы бойынша кінәнің 50%-ы кәсіпорынға, ал жартысы жәбірленушіге жүктелді.

“Жазатайым оқиға ЗапКазРЭК ЖШС лауазымды тұлғалары тарапынан еңбекті қорғау қауіпсіздігі ережелерін бұзу, сондай-ақ қызметкерлердің абайсыздығынан болды. Инженер жұмыс орнын дұрыс дайындамай, қателіктерге жол берді. Кернеуді қосты, бұл кезде Маншин мен Кенжин траншеяда болған”, – деді БҚО еңбек инспекциясы басқармасының бөлім басшысы Аслан Лұқпанов.

Бірақ жәбірленушінің анасы істі дұрыстап тергеуді талап етеді. Өйткені істе көптеген куәгерлердің айғақтары мен бірқатар құжаттар жоқ. Полиция тергеуді жалғастыруда.