Оралда әпкелі-сіңлінің өліміне әкелген жол апатын жасаған такси жүргізушісіне сот үкімі шықты

Оралда мамандандырылған ауданаралық қылмыстық сот екі адамның өмірін жалмаған жол апаты бойнша үкім шығарды. Бұл туралы Stan.kz ақпарат агенттігі “Мой город” сайтына сілтеме жасап хабарлайды. 

2025 жылдың 23 қыркүйегінде Мәметова көшесінде болған шулы апат бойынша үкім шықты. Chevrolet Cobalt және Toyota Mark X көліктері соқтығысты. Апат салдарынан Chevrolet көлігіндегі 41 және 32 жастағы екі әйел жолаушы қаза тапты. Кейінірек олардың апалы-сіңлі екені белгілі болды. Оқиға орнынан алынған қорқынышты кадрлар әлеуметтік желілерде бірден тарады.

Полицияда жұмыс істеп, көпжылдық қызметтен кейін зейнетке шыққан 50 жастағы Рауан Ізбасаров сотқа тартылды. Қайғылы оқиға болған күні ол Мәметова көшесімен Chevrolet Cobalt көлігін жүргізіп келе жатып, Кердері көшесіне солға бұрылмақ болған. Алайда қарсы келе жатқан Toyota Mark X көлігін байқамай, оған жол бермей, соқтығысуға әкеп соқты.

Оқыңыз

Көкшетаудағы жол апаты: Көлікті басқаруға берген күйеуі 5 жылға дейін бас бостандығынан айырылуы мүмкін Оқыңыз

Істі қазылар алқасы қарады. Ізбасаров Қылмыстық кодекстің 345-бабының 4-бөлігі "Екі немесе одан да көп адамның абайсызда өліміне әкеп соққан жол қозғалысы ережелерін бұзу" бойынша кінәлі деп танылды. Ол бес жылға бас бостандығынан айырылды. Сондай-ақ оның жүргізуші куәлігінен де осы мерзімге айырылды. Ол жазасын қауіпсіздігі ең төмен түзеу мекемесінде өтейді.

Ол марқұмның отбасыларына моральдық өтемақы ретінде жалпы сомасы 15 миллион теңге төлеуге міндеттеледі.

Еске салсақ, Chevrolet Cobalt көлігінде сотталушыдан басқа оның әпкелері Маржангүл мен Ақгүлім Нұрғалиева болған. Соқтығысу салдарынан Маржангүл Нұрғалиева сол күні жансақтау бөлімінде қаза болды. Ақгүлім Нұрғалиева жеті күннен кейін есін жимай мерт болды. Сот-медициналық сараптама Маржангүл Нұрғалиеваның өлімінің себебі көптеген ішкі ағзалардың жарақаттары, сүйек сынықтары және миға қан кету екенін анықтады. Оның әпкесі де миына ауыр жарақаттар алды, соның ішінде миға қан кету және ашық бас жарақаты диагнозы қойылды. Ақгүлім Нұрғалиеваның артында 15 жастағы ұлы мен екі жасар қызы қалды. Оның кіші қарындасы Маржангүл 25 қыркүйекте үйлену тойын тойлауы керек еді.