Нұр-Сұлтанда елшілік қызметкерінен коронавирус анықталды
Нұр-Cұлтанға ұшып келген Ресей Федерациясы елшілігінің қызметкерінің коронавирус жұқтырғаны расталды. Бұл туралы көліктегі бас мемлекеттік санитар дәрігер Сәдуақас Байғабылов мәлімдеді, деп хабарлайды Stan.kz ақпарат агенттігі.
"Ресей Федерациясы елшілігінің қызметкері Нұр-Сұлтан қаласына халықаралық әуе рейсімен келгеннен кейін COVID-19 үшін ПТР әдісімен талдау тапсырды. Зертханалық зерттеулердің нәтижелері бойынша Ресей азаматында коронавирус инфекциясы анықталды", - деді Байғабылов.
Оның сөзінше, ер адам елордада 14 күндік карантинде жатыр.
"Өз сауалнамасында ол РФ азаматы, жұмыс орны - СІМ, Ресей Федерациясының Елшілігі екенін көрсетті", – деп нақтылады Байғабылов.
Айта кетейік, Қазақстанда 8 247 адам коронавирустан емделіп жатыр, оның ішінде 437-сі - бала. Стационарларда 2 924 пациент, амбулаториялық деңгейде – 5 323 пациент бар.
Мақсатым — Олимпиада. Жаңа бапкерлік штаб 1,5 жылда нәтиже береді — Ғұсман Қырғызбаев
Ғұсман Қырғызбаев: Біздің қырғыздарға ешқандай қатысымыз жоқ
Қазақстанда шетелдіктер тұрақты тұру үшін қазақ тілінен тест тапсырады: Бұл талап интеграцияны күшейте ме, әлде көшуге ниеттілерді азайта ма?
Тест онлайн форматта ҚАЗТЕСТ жүйесі арқылы өткізіледі