Алматыда тұрғын үй кешенінде бір топ ер адам күзетші мен тұрғынды ұрып кеткен
Фото: Желі кадрларынан скрин
Алматыда "Каспий" тұрғын үй кешенінде жаппай төбелес болып, күзетші мен тұрғынды бір топ ер адам ұрып-соққан. Бұл туралы Stan.kz ақпарат агенттігі хабарлайды.
Оқиға 5 қараша түнде болған. Куәгерлердің айтуынша, шамамен 12 адам кешеннің күзетшісі мен бір тұрғынына шабуыл жасаған. Оқиға сәті бейнежазбаға түскен. Қақтығыстың себебі әзірге белгісіз.
Алматы қалалық полиция департаменті бұл факті бойынша "Бұзақылық" бабымен қылмыстық іс қозғалғанын хабарлады. Алты адам анықталып, ұсталып, уақытша ұстау изоляторына қамалған.
"Мұндай әрекеттер қоғамдық тәртіп пен азаматтардың қауіпсіздігін өрескел бұзады. Әр қатысушы заң аясында жауап береді", – деді Алатау ауданы полиция басқармасының бастығы Еділхан Байғараев.
Полиция тергеу амалдарының жүріп жатқанын және тұрғындарды кез келген дауды бейбіт жолмен шешуге, зорлық-зомбылыққа бармауға шақырды.
"Кәрісің, бізге жастар керек дейді": Қазақстандықтар 35-40 жастан кейін жұмысқа тұра алмайтындарын айтып, шағымданды
Тұрғын: "Ипотекамыз, екі кішкентай баламыз бар, болашағымызға алаңдаймын”
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады