"Қол жеткізілген уағдаластықтарды іске асыру мәселелері және одан әрі ынтымақтастық перспективалары талқыланды. Қоршаған ортаны қорғау саласындағы бірлескен жобаларға, оның ішінде климаттың өзгеруінің салдарын жұмсартуға және жасыл энергетикаға көшуге бағытталған шараларға ерекше назар аударылды. Қасым-Жомарт Тоқаев бұл бастамалардың жаһандық экологиялық сын-қатерлер мен Қазақстанның тұрақты дамуға деген ұмтылысындағы маңыздылығын атап өтті", – делінген хабарламада.

Тоқаев биыл қыркүйек айында Астанада өткен Араб үйлестіру тобының дөңгелек үстелінің қорытындыларын жоғары бағалады. Бұл іс-шара стратегиялық жобаларды жүзеге асырудағы көпжақты ынтымақтастықты тереңдетуге екі жақты ниеттілігін көрсетті.

Мемлекет басшысы "Климатқа төзімді су ресурстарын дамыту" жобасы бойынша қаржылық-техникалық келісімнің бірінші кезеңіне қол қойылуын құптады. Бұл жобаны жүзеге асыру Қазақстанның жеті облысында жалпы ұзындығы 3 450 шақырым болатын сегіз су қоймасын, контррегуляторды және 115 каналды салуға және жаңғыртуға мүмкіндік береді, бұл аудандағы ауыл шаруашылығы алқаптарын тұрақты сумен қамтамасыз етеді.

Тоқаев ИДБ-ға Қазақстанның тұрақты экономикалық дамуында маңызды рөл атқаратын үздіксіз қолдауы үшін алғыс айтты.

"Келіссөздер нәтижесінде қол қойылған құжат алмасылды. Келісім құны 1,153 млрд доллар, оның ішінде 3,5 млн доллар грант. Бұл банктің 51 жылдық тарихындағы қаржыландыру көлемі бойынша ең үлкен жоба", – делінген хабарламада.

Ұлттық экономика министрі Нұрлан Байбазаров Қазақстан үкіметі мен Ислам даму банкі арасында су ресурстарын дамыту жобасын қаржыландыру туралы келісімге қол қойылғанын айтты.

Еске салсақ, осыған дейін Қазақстанда исламдық ипотека енгізу жоспарланып отырғанын жазғанбыз.

Талқылау