Оның айтуынша, Алматыда КВИ-дің тәуліктік өсімі 25 тамыздан бастап 1,16-дан 0,2%-ға дейін төмендеді. Қалада инфекция жұқтыру санының төмендеуі шамамен 74% құраған.

Алматы әкімі орынбасарының мәліметінше, ағымдағы жылдың басынан бері КВИ-дің 152 мыңнан астам жағдайы тіркелген. Оның ішінде ағымдағы жылдың 19 шілдесінен бастап 6 қазанға дейін 85 000 жағдай тіркелген.

"2020 жылдың жазында және 2021 жылдың басында біз "Ухань" штаммымен байланысты екі толқыннан өттік. 2021 жылдың көктемінде – "альфа" штаммымен туындаған толқын. 19 шілдеде "дельта" штаммынан туындаған инфекцияның ең ауыр толқыны басталды. Бүгін біз осы толқыннан шықтық", – дейді Бабақұмаров.

Сондай-ақ ол 29 шілде мен 25 тамыз аралығында Алматыда коронавирус жұқтырудың жоғары жағдайлары болғанын айтады. 26 тамыздан бастап қазіргі уақытқа дейін инфекцияның төмендеуі жалғасуда. 1600-дан 423-ке дейін азайған.

"Салыстырмалы талдау мынаны көрсетеді. Егер бірінші толқын кезінде Алматыда тәулігіне жұқтырғандар саны 250 болса, екінші және үшінші толқын кезінде – шамамен 400 және 700 болса, "дельта" штаммында тәулігіне жұқтыру деңгейі 1600 және одан да көп болды", – деп хабарлады мегаполис әкімінің орынбасары.

Бұл ретте әкім орынбасары КВИ төртінші толқыны кезінде стационарларға емдеуге жатқызу деңгейі 5 есе өскенін айта кетті.

“Егер бірінші толқын кезінде ауруханаға жатқызу тәулігіне 250 адамға дейін, екінші және үшінші толқын кезінде – 400-450-ге дейін болса, төртінші толқын кезінде ауруханаға жатқызу деңгейі екі есе жоғары болды және тәулігіне 800 пациентке жетті. Жалпы денсаулық сақтау жүйесі ауыр жүктемелерге төтеп берді, дәрі-дәрмектер мен ЖҚҚ қоры жеткілікті қамтамасыз етілді", – деп атап өтті Бабақұмаров.

Талқылау