"Мектепке сәттілік әкелу үшін": Директор мен бір топ ұстаз оқушыны қара магиямен құрбандыққа шалған
Үндістандағы Хатрас қаласында директор мен бір топ ұстаз мектепке сәттілік әкелу үшін оқушыны құрбандыққа шалған. Баланың денесі жатақхана төсегінен табылды. Бұл туралы Stan.kz ақпарат агенттігі Dailymail порталына сілтеме жасап хабарлайды.
Фото: Daily mail
Полицейлердің айтуынша, жеті жасар бала қара магия рәсімі бойынша құрбандыққа шалынған. Кісі өлтірді деген күдікпен бес адам ұсталыпты.
Бұл іс бойынша мектеп иесі Джасодхан Сингх, оның ұлы әрі сол мектептің директоры Динеш Багель және үш мұғалім қамауға алынды. Олар мектепке сәттілік әкелу үшін құрбандық шалу салтын жасаған.
"Баланы қара магия рәсімі аясында құрбандық үстеліне апару керек еді. Бірақ ол рәсім аяқталғанға дейін көз жұмған", – деді полиция қызметкері Химаншу Матур.
Үндістандағы салттық кісі өлтіру әдетте құдайларды тыныштандыру мақсатында жасалады. Бақсылық пен оккультизмге деген сенім кең таралған тайпалық және шалғай аудандарда жиі кездеседі.
Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты
Желі қолданушысы: "Бір ғана әйелмен ол қызықсыз. Басқасын да көргің келеді"
"Күніне 6 миллион 406 мың теңге табады": ТОП-10 қазақстандық шенеуніктердің бай әйелдері
Ерболат Досаевтың жұбайы Гүлнар Досаева Қазақстандағы люкс санатындағы компаниясының тең иесі