TeamTalk басылымының дерегінше, Роналдудың Сауд Арабиясының "Әл-Наср" клубымен келісімшарты биыл маусым айында аяқталады. Қазір Роналдудың мансабын жалғастыру бойынша үш нұсқасы бар. Бұл шешімдер оның қазіргі командасының Азия футбол конфедерациясының Чемпиондар лигасын жеңіп алуға мүмкіндігіне күмәндануымен байланысты болып отыр. Себебі клуб бұған дейін бұл кубокты жеңіп алмаған.

Бірінші нұсқа – Роналду келісімшартын ұзартуы мүмкін. Алайда 39 жастағы спортшының жасы оның пайдасына шешілмейді. Сондықтан ол команданы күшейту мәселесін көтеруі ықтимал.
Екінші нұсқа – Роналдудың Португалияға оралуы.
Үшінші нұсқа — мансабын аяқтау, бірақ бұл жерде бірнеше ерекшелік бар. TeamTalk мәліметінше, Роналду мансабын "Әл-Наср" азиялық Чемпиондар лигасын жеңгеннен кейін немесе 2026 жылғы әлем чемпионатында Португалия құрамасы үшін ойнаған соң аяқтауы мүмкін.

Дегенмен желтоқсан айының соңында Роналду Globe Soccer Awards салтанатында өзіне әлі де күш-қуаты бар екенін айтып, жалғастырғысы келетінін жеткізді.

"Менде әрі қарай ойнауға және гол соғуға қосымша мотивация бар. Аяқтауды ойлап жүрген жоқпын. Жасым 40-қа жақындағанын білемін. Бірақ мен әлі де титулдар ұтқым келеді. Ойнай беремін", – деді ол.

Айта кетейік, Криштиану мансабында 916 гол соғып, УЕФА Чемпиондар лигасын бес рет жеңіп алды. Ол қазіргі заманның ең үздік футболшыларының бірі болып саналады.

22 жыл бойы жаңармаған Криштиану Роналдудың рекордын 17 жасар футболшы жаңартты

Қазақстан футбол құрамасының бапкері Черчесов қазақ тілінде жазба жариялады

Еске салайық, бұған дейін Криштиану Роналдудың Сауд Арабиясында қанша жалақы алатынын жаздық. Криштиану Роналдудың жылдық табысы – 285 миллион доллар. Бұл соманың 220 миллион доллары спортшының жалақысы. Қалғаны футболдан тыс табыс. Екінші орында жылдық жалпы табысы 110 миллион доллар болатын Неймар тұрса, Карим Бензема 104 миллион доллармен үздік үштікке кірген.

Талқылау