Климаттың өзгеруіне байланысты миллиондаған адам өлім қауіпі бар ауруға шалдығуда

Жаһандық жылыну бүкіл әлемде миллиондаған адамда өлім қауіпі бар бүйрек ауруының жаппай таралуына себеп болды, деп хабарлайды The Guardian-ға сілтеме беріп Stan.kz ақпарат агенттігі.

Әдетте ауру қарт адамдар немесе созылмалы аурулары бар науқастарға тән. Алайда соңғы жылдары бұл ауру Оңтүстік және Солтүстік Американың, Африканың, Таяу Шығыстың және Үндістанның ыстық аймақтарында ашық ауада көп жұмыс істейтін жастар арасында белсенді түрде таралғаны анықталды. Дәрігерлер мен ғалымдар күннің көзінде ұзақ уақыт тұру, организмнің жылудан стресске түсуіне әкеледі, бұл бүйрекке зиян.

Бүйрек – бұл ағзадағы сұйықтықтың тепе-теңдігін қамтамасыз ететін орган, сондықтан бұл ағза төтенше температураға өте сезімтал. Күн сәулесіндегі тұрақты түрде жүру бүйректі жарақаттайды, бірақ адам үшін бұл онша байқалмайды. Нәтижесінде миллиондаған созылмалы бүйрек ауруы симптомсыз өтеді. Дәрігерлер бұл мәселе ауқымды індетке жетті және жақын арада дамыған елдерде өзекті болатынын ескертеді.

Сарапшылар қалыптан тыс ыстық пен бүйректің созылмалы ауруы арасындағы байланысты шұғыл түрде зерттеуге шақырады, өйткені қазіргі уақытта бұл мәселе бақылаусыз қалып отыр. Деректерге сүйенсек, әдетте, мұндай ауруға ұшырайтындар жоғары температурада ашық ауада ауыр физикалық еңбекпен айналысатындар.

Колумбия университетінің климат және денсаулық сақтау жөніндегі жаһандық консорциумының басшысы доктор Сесилия Соренсен аурудың бұл түрі бөліп жалақы алатын, сондықтан көп және үздіксіз жұмыс істейтін қызметкерлерде кездесетініне назар аударды.

Сальвадор Рамон атындағы гемодиализ орталығының нефрологы және медициналық директоры Гарсиа Трабантино 20 жыл бұрын бұл диагнозы бар жас пациенттердің саны өте көп болғанын айтты. Осы уақытқа дейін орталықта аурудан көз жұмғандар саны рекордтық деңгейге жеткен, күтілгеннен 10 есе жоғары.

АҚШ-тағы Колорадо университетінің профессоры Ричард Джонсон американдық қоғамда жылу мен оның салдары назардан тыс қалып жатқанын атап өтті. Ал Австралия Ұлттық университетінің профессоры Торд Кьелстромның айтуынша, жаһандық жылынудың салдарынан көптеген адамдар жылудың салдарынан стресстің әсеріне тап болады. Бұл миллиондаған адам өмірі мен экономикалық әл-ауқатына қауіп төндіретіндіктен, сарапшы климаттың саясатын қалыптастыру кезінде осы факторларды ескеруге шақырды.