Бұған дейін құқық қорғаушы Елена Семенова Қарағанды облысының АК-159/6 колониясындағы зорлық-зомбылық фактілеріне шағымданды. Оның сөзінше, оған Долинка кентінің АК-159/6 қатаң режимдегі колониясында жазасын өтеп жатқан сотталушылардың туыстары жүгінген. Олардың сөзіне сенсек, тұтқындар колония қызметкерлері тарапынан жыныстық зорлық-зомбылыққа ұшырайды. Ал әлі зорланбаған адамдарды қорқытады екен.

ҚАЖД басшылығы прокуратурамен және сыбайлас жемқорлыққа қарсы қызметпен бірлесіп тексеру жүргізгенін мәлімдеді.

Сондай-ақ адам құқықтары және заңдылықты сақтау жөніндегі Қазақстанның Халықаралық бюросының өңірлік төрағасы мен қоғамдық бақылау комиссиясының төрағасы шақырылды.

"Қабылдау аясында сотталушылар Кубиев, Цергибель, Ибрагимов, Абдукамалов, Саттанов, Сәрсенқұлов, Наменов, Кази мекеме қызметкерлерінің ұрып-соғу және зорлық-зомбылық фактілерін жоққа шығарды. Бұл ретте сотталған Тәжібаевтың сөзіне сәйкес, оны ұрып-соғып, зорлаумен қорқытқанын атап өтті. Ұрып-соғудың ізі көрінбеді, бірақ бұл туралы туыстарына хабарлады", - деді департаментте.

Қазақстан Тәуелсіздігінің 30 жылдығына орай рақымшылық жасалатын тұтқындар санаты белгілі болды

Тексеру кезінде екі сотталушы 2018 жылы ұрып-соққаны туралы айтқан.

"Айта кету керек, 3 жыл бойы сотталғандар бұл фактілер бойынша өтініш білдірмеген. Бүгінде материалдар арнайы прокуратураның АЕК-не тіркеліп, әрі қарай сотқа дейінгі тергеу органына тапсырылады", - деп түсіндірді ҚАЖД-да.

Өз кезегінде, сотталушы Тәжібаев тексерушілерге 8 ақпанда мекеме қызметкерлері мен сотталған "белсенділер" тарапынан ұрып-соғу және зорлау қаупі туралы заңсыз әрекеттерге ұшырағанын айтты. Осы себепті 11 ақпанда ол өзіне зиян келтіру әрекетін жасады.

"Тәжібаевты адам құқықтары және заңдылықты сақтау жөніндегі Қазақстандық Халықаралық бюроның өкілі А.Дунгенина (бұрынғы медицина қызметкері) қарап шықты, оның денесінде физикалық әсердің іздері табылған жоқ. Азаматтық сала ауруханасының (Шахтинск қаласының орталық ауруханасы) қағазын зерделеу кезінде түскен сәтте (2020 жылдың 11 ақпанында) Тәжібаевтан дене жарақаттары анықталмағаны белгілі болды", - деп атап өтті департаментте.

Дегенмен, Тәжібаевтың дәлелдерін тексеру үшін заңсыз іс-әрекеттер фактісі бойынша сотқа дейінгі тергеу басталды, сот-медициналық сараптама жүргізіліп жатыр.

"Осылайша, бірлескен тексеру нәтижелері бойынша сотталушылар Кубиев, Цергибель, Ибрагимов, Абдукамалов, Саттанов, Сәрсенқұлов, Наменов, Кази жарияланымдарында көрсетілген заңсыз әрекеттер фактілері анықталған жоқ. ... ҚАЖД әрқашан азаматтармен, жұртшылықпен және сотталғандардың туыстарымен диалог үшін ашық", - делінген хабарламада.

Талқылау