Қытайда Олимпиада ойындарының символикасы бейнеленген кәдесыйларды көшіріп сатқан азамат сотталды
Қысқы Олимпиада ойындарының символикасы бейнеленген кәдесыйларды көшіріп сатқаны үшін Қытай тұрғыны бір жылға сотталып, айыппұл салынды. Бұл туралы авторлық құқық істері жөніндегі басқарма басшысының орынбасары Тан Чжаочжи мәлімдеді, деп хабарлайды Stan.kz ақпарат агенттігі Р-Спорт басылымына сілтеме жасап.
Оның сөзінше, бұл Олимпиада символикасына қатысты авторлық құқықты бұзу бойынша алғашқы жағдай болып отыр.
"Жақында Бейжіңде шұғыл тергеу жұмыстары жүріп, Олимпиада және Паралимпиада ойындарының ойыншық белгісін көшіріп, сатқан азамат ұсталды. Панда Бин ДуньДунь мен Сюэ Жунжун есімді шам бейнеленген ойыншықты сатқаны үшін Бейжің тұрғыны 1 жылға қамауға алынып, 40 мың юань (6,3 мың доллар) айыппұл салынды", – деді Тан Чжаочжи.
Бұған дейін Бейжіңде Олимпиада бойтұмарын алып-сатқаны үшін үш азамат ұсталып, әкімшілік жауапқа тартылған. Елде Олимпиада белгісін сатып алу үшін дүкендерде ұзын-сонар кезек түзілген.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн